क्या आप जानते है इन शब्दों के बारे में

छत्तीसगढ़ी जनउला उत्तर सहित 

नमस्कार दोस्तों आज मै आपके लिए एक लेटेस्ट जानकारी ले कर आया जिसको पढ़ कर आप आनंद उठा सकते है ,और साथ ही ये रोचक बातें भविष्य में आपका काम में आ सकता है ,तो दोस्तों चलिए उस लेटेस्ट जानकारी को पढ़ते है और उसका आनद उठाते है ,और साथ ही दोस्तों अंत में अपना फ़ीडबैक जरुर दें |




1) बीच तरिया में टेड़गी रूख ।


उत्तर -  चिंगरी मछरी  |


2)फाँदे के बेर एक ठन, ढीले के बेर दू ठन । 


उत्तर - दतवन 


3)एक महल के दू दरवाजा, वहाँ से निकले संभू राजा । 


उत्तर - रेमट


4) ठुड़गा रूख म बुड़गा नाचे । 



उत्तर - टँगिया 


5)  कारी गाय कलिन्दर खाय, दुहते जाय पनहाते जाय ।


उत्तर - कुआँ 


6)  कोठा में अब्बड़ अकन छेरी, फेर हागे त लेड़ी नहीं । 


उत्तर - चाँटी      


7)   अँउर न मँउर, बिन फोकला के चउँर । 


उत्तर - मउहा      


8)  नानचून टूरा, कूद-कूद के पार बाँधे । 


उत्तर - सूजी       


9)  नानूक टूरा, राजा संग खाय ल बैठे । 


उत्तर - माछी       


10) नानचून बियारा में,खीरा बीजा । 


उत्तर - दाँत


11) तरिया पार में फट-फीट, तेकर गुदा बड़ मिठ । 


उत्तर - नरियर       


12) तरी बटलोही उपर डंडा,नइ जानही तेला परही डंडा । 


उत्तर -  जिमीकन्द


13) छुए म नरम, ओड़े म गरम, धरे म शरम । 


उत्तर - कथरी 


14) सुत उठ के लड़ँगा नाच । 


उत्तर - बाहरी       


15) एकझन कहे संझातिस झन,दूसर कहे पहातिस झन । 


उत्तर - दिन-रात


16) एकठन थारी में दु ठन अंडा, एक गरम एक ठंडा । 


उत्तर - सुरूज चंदा


17) पूछी में पानी पियय, मूँड़ी ललीयाय । 


उत्तर - दीया


18)  जरकुल ददा,निरासा दाई,फूलमत बहिनी,फोदेला भाई । 


उत्तर - कुम्हड़ा 


19)  डबरा मताय हस, कि करार ओदारे हस । 



उत्तर - बासी-भात


20) ददा के एक ठन दाई के दुठन । 


उत्तर - गोत्र


21) पाँच भाई नांगर जोते, दस भाई कोप्पर तीरे । 


उत्तर - दतवन 


22)  करिया बईला बैठे हे, लाल बईला भागत हे । 


उत्तर - आग


23)  कका ल काकी चाबे, काकी ल सब लोग लइका चाबे । 


उत्तर - कांड़-भदरी


24)  दुरूग के डोकरी,पाछु डाहर मोटरी । 


उत्तर - मेकरा 


25) चार चौकड़ी गोल बजार,सोला रानी तीन यार । 


उत्तर - पासा 




26)  पीठ कुबरा पेट चिरहा, नई जानही तेकर चाल किरहा ।


उत्तर - कउ़ड़ी 


27)  थोकिन एला थोकिन ओला धर बैठेंव तोला । 


उत्तर - सील-लोड़हा


28)  दू झन में उचथे, पाव भर न छटाक भर । 


उत्तर - झगड़ा


29) तोर घर के जुनना सियान कोन ए । 


उत्तर - पाटी


30) छिटका कुरिया में बाघ गुर्राय ।


उत्तर - जांता


31)  बाप लड़ँगा, बेटा पोण्डा, नाती निंधा ।


उत्तर - मउहा 


32)  हरियर भाजी,साग में न भात में, खाय बर सुवाद में । 


उत्तर - पान 


33) काँटे मा कटाय नहीं, भोंगे मा भोंगाय नहीं । 


उत्तर - छइँहा 


34)  उपर पचरी नीचे पचरी,बीच में मोंगरी मछरी । 


उत्तर - जीभ 


35) पानी के तीर-तीर चर बोकरा, पानी अँटागे मर बोकरा । 


उत्तर - दीया 


36) तीन गोड़ के टेटका मेरेर-मेरेर नरियाय, पाछू डाहर खुँदे त आगू डाहर हड़बड़ाय । 


उत्तर - ढेंकी 


37)  बाप अउ बेटा के नाम एके, नाती के नाम औरे । ए जनउला ल जानबे, तब मुहँ म डारबे कौंरे ।। 


उत्तर - मउहा 


38)  नानकुन टूरा, गोटानी असन पेट, कहाँ जाथस टूरा, रतनपुर देश । 


उत्तर - नरियल 


39)  दिखे में लाल लाल, छिये में गूज-गूज, चाबदिस दाई बड़ जन बूबू । 


उत्तर - मिर्ची 



40)  ओमनाथ के बारी म, सोमनाथ के काँटा, एक फूल फूले, त पचीस पेंड़ भाँटा । 


उत्तर - भसकटिया


41)  एक सींग के बोकरा मेरेर-मेरेर नरीयाय, मुहु डाहन चारा चरे, पाछु डाहन पघुराय । 


उत्तर - जांता 


42)  सुलुँग सपेटा फुनगी में गाँठ, नई जानही तेकर नाक ल काँट ।


उत्तर - बाँस 

43) टेंड़ेग बेंड़ेग बाँसुरी, बजाने वाला कौन, भऊजी गेहे मइके, मनानेवाला कौन । 


उत्तर - नदिया


44)  फूल-फूले रिंगी-चिंगी, फर फरे कटघेरा,एक हानी ल जानबे तभे जाबे अपन डेरा ।


उत्तर - भसकटिया


45)   नीलकंठ राजा नहीं, चार गोड़ घोड़ा नहीं, लाम लँगूर बानर नहीं । 


उत्तर - टेटका 


46) लाल मुहँ के छोकरी हरियर फीता गंथाय, निकले कहुँ बजार में, त हाँथो हाँथ बेचाय । 


उत्तर - बंगला


47)पानी भीतर के कमनीन बपरी, लम्बा-लम्बा केंस । बारा लइका के महतारी होगे, फेर नइ हे पुरूष संग भेंट । 


उत्तर - ढुलेना |